Atentati ndaj Donald Trump/ Ish-Presidenti George W. Bush: Sulm frikacak

Ish-presidenti George W. Bush gjithashtu komentoi atentatin: “Laura dhe unë jemi të lumtur që Presidenti Trump është i sigurt pas sulmit frikacak në jetën e tij. Ne i përgëzojmë burrat dhe gratë e Shërbimit Sekret për reagimin e tyre të shpejtë”.

Sulmi vjen pas një dite të ngjeshur fushatash për zotin Trump dhe ish-Presidentin Joe Biden në garën presidenciale të 2024-ës.

Zyrtarët e fushatës së ish-presidentit Donald Trump thanë në një deklaratë se ai ishte mirë me shëndet.

“Presidenti Trump falenderon forcat e rendit dhe reaguesit e parë për veprimin e tyre të shpejtë gjatë këtij akti të urryer”, tha zëdhënësi Steven Cheung në një deklaratë. “Ai është mirë dhe po kontrollohet në një institucion mjekësor lokal. Më shumë detaje do të jepen në vazhdim”.

Shërbimi Sekret tha në një deklaratë se “ish-presidenti ishte jashtë rrezikut për jetën” dhe se çështja tashmë ishte nën hetim aktiv. Po kështu shtoi se informacione të mëtejshme do të publikohen kur të jenë të disponueshme.