Franca pezullon fluturimet drejt Bejrutit deri të martën

Air France dhe filiali i saj Transavia kanë zgjatur pezullimin e fluturimeve midis Parisit dhe Bejrutit deri të paktën më 6 gusht, në mes të tensioneve në rritje rajonale, njoftoi sot kompania ajrore franceze.

“Për shkak të situatës së sigurisë, kompania ajrore po zgjat pezullimin e fluturimeve ndërmjet Parisit dhe Bejrutit deri më 6 gusht.

Vazhdimi i shërbimeve do t’i nënshtrohet një vlerësimi të ri të situatës në terren”, thuhet në një deklaratë të Air France.

Kompania tha se po monitoron situatën në Liban në kohë reale.

/abcnews.al