Glllogoc, plumbi rrok veturën e një personi në oborr

Të dielën në fshatin Korreticë e Epërme të Gllogocit, një person ka raportuar se një plumb e ka goditur veturën e tij që ishte në oborr.

“Viktima mashkull kosovar ka raportuar se derisa kishte qenë në oborrin e tij kishte dëgjuar një zhurmë dhe e kishte vërejtur se një predhë e armës së zjarrit kishte goditur dhe thyer xhamin e pasëm të veturës së tij”, thuhet në Raportin e Policisë së Kosovës.

“Njësiti policor ka dalë në vendin e ngjarjes ku ka gjetur dhe sekuestruar një predhë të fishekut të armës së zjarrit. Rasti nën hetime”.