Hamasi kundër negociatave të reja, kërkon zbatimin e planit të Biden për armëpushimin në Gaza

Hamasi kërkon zbatimin e planit të propozuar nga SHBA në fillim të korrikut për një armëpushim në Rripin e Gazës dhe nuk dëshiron negociata të reja.

“Lëvizja u bën thirrje ndërmjetësve që të paraqesin një plan për të zbatuar atë që është rënë dakord nga lëvizja më 2 korrik 2024 bazuar në planin e Biden dhe rezolutën e Këshillit të Sigurimit të OKB-së”, tha Hamasi në një deklaratë.

“Ndërmjetësuesit duhet t’ia imponojnë këtë okupimit (Izraelit) në vend që të ndjekin raunde të mëtejshme negociatash apo propozime të reja që do të siguronin mbulesë për agresionin e okupimit dhe do t’i jepnin më shumë kohë për të vazhduar gjenocidin kundër popullit tonë,” shton Hamasi në njoftim.

Më herët, ndërmjetësuesit nga Egjipti dhe Katari u thanë zyrtarëve izraelitë se udhëheqësi i Hamasit, Yahya Sinëar dëshiron një marrëveshje armëpushimi që do t’i jepte fund luftës në Rripin e Gazës./abcnews.al