I nxehti në Kosovë: Punëtorët në kulme e në skele
Ndonëse Ministria e Shëndetësisë e Kosovës mori vendim për ndalimin e punës në sektorin e ndërtimtarisë nga ora 11:00 deri 17:00, shumë kompani nuk janë duke e respektuar. Radio Evropa e Lirë gjatë javës ka fotografuar punëtorë në vendpunishte të ndryshme duke punuar në pikë të zhegut. Fotografitë janë shkrepur nëpër lagje të ndryshme të […]
Ndonëse Ministria e Shëndetësisë e Kosovës mori vendim për ndalimin e punës në sektorin e ndërtimtarisë nga ora 11:00 deri 17:00, shumë kompani nuk janë duke e respektuar.
Radio Evropa e Lirë gjatë javës ka fotografuar punëtorë në vendpunishte të ndryshme duke punuar në pikë të zhegut.
Fotografitë janë shkrepur nëpër lagje të ndryshme të Prishtinës.
1Për shkak të rrezikut nga temperaturat e larta, Ministria e Shëndetësisë e Kosovës, nëpërmjet një vendimi ndaloi punën në sektorin e ndërtimtarisë nga ora 11:00 deri 17:00.
2Disa punëtorë të një kompanie duke punuar për mirëmbajtjen dhe pastrimin e rrugëve në Prishtinë.
Temperatura ka arritur deri në 39 gradë celsius ditëve të fundit në Kosovë.
3Por, vendimi i MSH-së nuk është duke u respektuar nga shumë kompani.
4Radio Evropa e Lirë gjatë javës ka fotografuar punëtorë në vendpunishte të ndryshme duke punuar në pikë të zhegut.
5Fotografitë janë shkrepur nëpër lagje të ndryshme të Prishtinës.
6Vendimi i MSH-së, që është ende në fuqi, thotë se “nga data 13.07.2024 deri më 20.07.2024 ndalohet puna në sektorin e ndërtimtarisë në ambiente të hapura gjatë orareve 11:00 – 17:00 në të gjithë territorin e Kosovës”.
7Ministria e Shëndetësisë thotë se është vërejtur përmirësim në respektimin e vendimit.
Në një vendpunishte është vendosur një afishe me mbishkrimin “Nuk punohet”.
8“Ditën e parë pas marrjes së vendimit janë shqiptuar mbi 25 gjoba, por është vërejtur përmirësim i dukshëm në respektimin e tij gjatë ditëve në vijim, pasi të gjitha kategoritë janë më të informuara rreth vendimit”, tha MSH-ja në një përgjigje për Radion Evropa e Lirë.
