Irani: Vrasja e liderit të Hamasit nuk mund të ndodhte pa autorizimin e SHBA

Ambasadori i Iranit në Kombet e Bashkuara fajësoi Shtetet e Bashkuara për vdekjen e liderit të Hamasit, Ismail Haniyeh, duke pretenduar se kjo nuk mund të kishte ndodhur pa autorizimin dhe mbështetjen e inteligjencës amerikane.

“Përgjegjësia e Shteteve të Bashkuara si aleati i tyre strategjik dhe mbështetësit kryesorë të regjimit izraelit në rajon nuk mund të anashkalohet në këtë krim të tmerrshëm,” tha Saeed Iravani, përfaqësues i përhershëm i Republikës Islamike të Iranit në OKB, shkruan CNN.

Hamasi tha se Haniyeh u vra nga Izraeli dhe Irani është zotuar të hakmerret për vdekjen e tij. Izraeli as nuk e ka konfirmuar e as mohuar se qëndron pas vrasjes së Haniyeh.

“Izraeli po ndiqte gjithashtu një qëllim politik me këtë akt, duke synuar të prishë ditën e parë të qeverisë së re të Republikës Islamike të Iranit, e cila ka prioritet forcimin e paqes dhe stabilitetit në rajon, dhe rritjen e bashkëpunimit dhe angazhimit konstruktiv me ndërkombëtarët”, shtoi Iravani.

Më herët, zëvendësambasadori amerikan Robert Wood deklaroi se “Shtetet e Bashkuara nuk ishin në dijeni ose të përfshira në vdekjen e dukshme të liderit të Hamasit Ismail Haniyeh”, duke shtuar se SHBA “nuk ka asnjë konfirmim në lidhje me pretendimet e Hamasit në lidhje me vdekjen e tij”./abcnews.al