Ishte arratisur nga burgu italian, arrestohet pas 8 vitesh shqiptari në Spanjë

Një 39 vjeçar shqiptar, i arratisur nga burgu i Vigevanos në Itali, është arrestuar pas tete vitesh arratie në Barcelonë të Spanjës. Shqiptari, i cili ndodhej në burg për trafik droge, duhej të ishte sërish në burg mbrëmjen e 30 marsit 2016, në përfundim të një leje bonusi njëditore të dhënë nga Magjistratura e Mbikëqyrjes.

Që atëherë ai ishte zhdukur pa lënë gjurmë, duke shkuar jashtë vendit menjëherë pas arratisjes. Një urdhër arresti evropian ishte lëshuar gjithashtu ndaj tij..

Kërkimi për të arratisurin përfundoi më 25 korrik, kur burri u arrestua pranë aeroportit të Barcelonës. Ai tashmë ndodhet në burgun e qytetit spanjoll në pritje të ekstradimit në Itali./abcnews.al