Protesta pro-palestineze në Çikago, 72 të arrestuar

Të paktën 72 persona u arrestuan pas përleshjeve me policinë në një protestë pro-palestineze në Çikago, e cila filloi jashtë konsullatës izraelite dhe u përhap në rrugët përreth gjatë Konventës Kombëtare Demokratike.

Policia rrethoi protestuesit e mbetur, disa prej të cilëve thanë se po përpiqeshin të ktheheshin në shtëpi. Konsullata ka qenë vendi i demonstratave të shumta që nga fillimi i luftës në Gaza në tetor.

Mbështetësit e Izraelit, duke përfshirë disa të afërm të njerëzve të rrëmbyer nga Hamasi, u mblodhën më herët gjatë ditës në një instalacion arti pro-izraelit jo larg konsullatës për t’u bërë thirrje udhëheqësve amerikanë që të vazhdojnë të mbështesin Izraelin dhe të bëjnë presion për lirimin e pengjeve.

Më shumë protesta ishin planifikuar gjatë gjithë javës. Megjithatë, pjesëmarrja në tubimin kryesor të së hënës ishte shumë më e ulët se vlerësimet e organizatorëve që kishin parashikuar se më shumë se 20,000 do të merrnin pjesë.

Sipas informacioneve, rreth 3,500 njerëz morën pjesën dhe se shumica dërrmuese e atyre protestuesve ishin paqësorë.

/abcnews.al