Qytetari nga Shtërpca e gjen portofolin me para, e dorëzon në polici

Një qytetar nga Bitia e Poshtme e Shtërpcës më 12 korrik e ka gjetur një portofol me para dhe dokumente në Ferizaj, të cilat i ka dorëzuar në stacionin e policisë.

Në njoftimin e dërguar nga Policia e Kosovës thuhet se [as procedurave të  verifikimit të  pronarit, në  prani të  policisë, sot pronarit ia janë kthyet paratë, 350 franga, 65 euro, disa monedha metalike dhe letërnjoftimi i RKS-së .

“Me këtë rast Drejtoria Rajonale e Policisë  në Ferizaj e ka falënderuar qytetarin G.Stankoviç për gjestin human dhe shembullor me rastin e dorëzimit  të portofolit të gjetur në  stacionin e policisë”, thuhet në njoftim.