Zelensky i vendosur: Të shtyjmë luftën drejt Rusisë

Pas dy vitesh e gjysmë lufte në tokën ukrainase, teatri i konfliktit po zgjerohet, shkruan adnkronos.it.

Presidenti ukrainas Volodymyr Zelensky thyen heshtjen e tij ndaj sulmit që forcat e Kievit kryen përtej kufirit, duke pushtuar rajonin rus të Kurskut dhe duke marrë kontrollin e mbi një duzinë qendrash të populluara.

Pesë ditë pas fillimit të ofensivës, presidenti ukrainas e trajton këtë temë në mesazhin e tij të zakonshëm të përditshëm në kanalin Telegram dhe rrjetet sociale.

“Kam marrë disa raporte nga Komandanti i Përgjithshëm Oleksandr Syrskyi në lidhje me vijën e frontit, veprimet tona dhe shtytjen për luftë në territorin e agresorit. Falënderoj çdo njësi të Forcave tona të Mbrojtjes që po bëjnë të gjitha këto të mundshme. Ukraina po demonstron të dijë vërtet si të rivendosë drejtësinë dhe të ushtrojë presionin e nevojshëm mbi agresorin”, theksoi Zelensky.

”Pak fjalë, asnjë detaj, por një adresë e qartë: Të shtyjmë luftën drejt Rusisë, në shtëpinë e Vladimir Putinit”, shtoi ai.