“Bravo i qoftë Arkimedit”,”Direkt m’kanë gju me hekra n’kry” – Tik-tokeri konfirmon rrahjen me Noizyn në Pejë
Muhamet Iseni, tiktoker i njohur si Medi është deklaruar lidhur me rastin e rrahjes me Noizyn, mbrëmë në klubin e natës në Pejë, shkruan Insajderi. Përmes një bisede në “Tik-Tok” me Cllevion ai ka treguar se si ka ardhur deri tek rrahja. Ai ka përmendur emrin e reperit Stresi, duke e akuzuar atë për ngjarjen […]
![“Bravo i qoftë Arkimedit”,”Direkt m’kanë gju me hekra n’kry” – Tik-tokeri konfirmon rrahjen me Noizyn në Pejë](https://orainfo.net/wp-content/uploads/2024/08/tik.png)
![](https://orainfo.net/wp-content/uploads/2024/08/tik.png)
Muhamet Iseni, tiktoker i njohur si Medi është deklaruar lidhur me rastin e rrahjes me Noizyn, mbrëmë në klubin e natës në Pejë, shkruan Insajderi.
Përmes një bisede në “Tik-Tok” me Cllevion ai ka treguar se si ka ardhur deri tek rrahja.
Ai ka përmendur emrin e reperit Stresi, duke e akuzuar atë për ngjarjen e cila ndodhi.
“Bravo i qoftë Arkimendit si ma boni këtë kastile, ulu, ulu mos rri n’kambe, e mbyllën derën, i përzunën krejt çunat prej “backstages”. Si i kanë mbyll dyrtë, nji minut është i lartë, janë fut para, mbrapa edhe direkt m’kanë gju me hekra n’kry”, dëgjohet duke i thënë ai, Cllevios.
Detaje për rastin ka dhënë zëdhënësi i Policisë për rajonin e Pejës, Fadil Gashi.
Ndërsa, bëri shtoi se dy persona kanë kërkuar ndihmë mjekësore në Spitalin e Pejës.
“Rreth orës 3:37 stacioni policor në Pejë është njoftuar nga spitali rajonal i Pejës se kanë pranuar dy persona të lënduar të cilët kanë kërkuar ndihmë mjekësore. Policia menjëherë ka dalë në vendin e ngjarjes ka kontaktuar me viktimat dhe të njëjtit kanë deklaruar se deri sa kanë qenë në një diskotekë, janë sulmuar nga persona të panjohur të cilët u kanë shkaktuar lëndime trupore dhe janë larguar në drejtim të panjohur”, konfirmoi Gashi.
Zëdhënësi potencoi se dyshimet janë per 7-8 persona të përfshirë në rrahje.
“Rasti është në fazën e hetimeve dhe nuk mund të japim emra, kanë qenë 7-8 persona që janë përfshirë në rrahje dhe janë të dyshuar por ende është herët për të dhënë konstatime, policia po punon për me i identifiku të dyshuarit. Deri më tash nuk kemi asnjë të arrestuar”, shtoi Gashi.
Rastin për Insajderin e ka konfirmuar edhe zëdhënësi i Prokurorisë në Pejës, Shkodran Nikçi.
“Eshte inicuar rast per kete ceshtje. Policia eshte ne fazen e grumbullimit te provave. Jemi ne pritje per te gjeturat e Policise. Prokurori i shtetit pasi ti marre te gjeturat e Policise do veproj komfor dispozitave ligjore”, ka thënë ai.
Ndërkohë, mësohet se nga kjo rrahje disa persona kanë marrë lëndime trupore dhe janë duke u trajtuar në spitalin e Pejës.