Britania shkurton me 20% buxhetin për ushtrinë   

Ushtria britanike po përballet me shkurtimet më të mëdha buxhetore të dekadës së fundit. Lajmin e ka bërë të ditur media e njohur The Telegraph, e cila citon burime pranë Ministrisë së Mbrojtjes. Nëpunësve civilë u është thënë se buxhetet për shkencën, teknologjinë, kërkimin dhe zhvillimin përballen me një shkurtim prej rreth 20 për qind këtë vit financiar e cila arrin në qindra milionë paund.

Vendimi për shkurtimin e financave bëhet për faktin se qeveria duhet të arrijë shumë e 5.5 miliardë paund kursime këtë vit për të ndihmuar në mbushjen e një vrime të zezë financiare prej 22 miliardë paund që qeveria laburiste pretendon se e ka trashëguar nga konservatorët.

Shkurtimi i shpenzimeve vjen mes frikës se Mbretëria e Bashkuar dhe Perëndimi përballen me kërcënime në rritje nga shtetet e tjera. Ekspertët ushtarakë besojnë se pa investime në teknologjinë ushtarake, forcat e armatosura të Britanisë do të mbeten pas përballë fuqisë së Kinës dhe Rusisë.

“Kjo do t’i bëjë Forcat tona të Armatosura më pak të afta dhe do të thotë se Mbretëria e Bashkuar është më pak e sigurt”.

Dy ish-sekretarë të mbrojtjes nga konservatorët kanë ngritur shqetësime rreth shkurtimeve.

“Nëse Rachel Reeves nuk angazhohet për 2.5 për qind të PBB-së me një afat kohor, shkurtimet në kërkim dhe zhvillim do të jenë një pikë në oqean në krahasim me atë që do të ndodhë me pjesën tjetër të buxhetit të mbrojtjes. Ata po përballen me shkurtime masive”, tha Ben Wallace.

“Kjo është thellësisht shqetësuese. Kur përballemi me kërcënime gjithnjë në rritje dhe shohim teknologjitë në fushën e betejës që përparojnë kaq shpejt, nuk është koha për të bërë shkurtime në shkencën dhe teknologjinë më të avancuar”, shtoi Willamson.

Paralajmërimi rreth shkurtimeve në ushtri fillimisht u njoftua në qershor, kur Partia Laburiste pritej gjerësisht të fitonte zgjedhjet parlamentare dhe të vinte në pushtet.

The post Britania shkurton me 20% buxhetin për ushtrinë    appeared first on Albinfo.