Daçiq: Arrestohet shoferi i veturës nga i cili u qëlluan policët në afërsi të Loznicës

Ministri i Punëve të Brendshme i Serbisë, Ivica Daçiq, ka deklaruar para pak çastesh se në Bijelinë të Bosnje dhe Hercegovinës është arrestuar personi i dyshuar që e ka transportuar të dyshuarin për vrasjen e policit serb, Faton Hajrizin, raportojnë mediet serbe.

Sipas Daçiq, ky i dyshuar me inicialet Z.R (1985) e ka organizuar transportin e Hajrizit nga Presheva në Loznicë, ku ka ndodhur edhe vrasja e policit serb, transmeton Front Online.

Poashtu, sipas tij, policia e Republikës Serbe në Bosnjë ka arrestuar edhe bashkëshorten e të dyshuarit për transportin e Hajrizit.