Dyshohet se kërcënoi një person, IPK rekomandon suspendimin e polices në Prishtinë
Inspektorati Policor i Kosovës ka rekomanduar suspendimin e një zyrtareje policore në Prishtinë e cila dyshohet se ka kryer veprën penale ‘Kanosja’. Përmes një komunikate për media, IPK njofton se informacionet e para lidhur me këtë rast i kanë pranuar dje pasdite nga ankuesi përmes telefonit. “Informacionet e para lidhur me këtë rast hetuesit e […]
Inspektorati Policor i Kosovës ka rekomanduar suspendimin e një zyrtareje policore në Prishtinë e cila dyshohet se ka kryer veprën penale ‘Kanosja’.
Përmes një komunikate për media, IPK njofton se informacionet e para lidhur me këtë rast i kanë pranuar dje pasdite nga ankuesi përmes telefonit.
“Informacionet e para lidhur me këtë rast hetuesit e IPK-së i kishin pranuar dje në orët e pasdites nga ankuesi fillimisht përmes telefonit. Pas pranimit të informacioneve fillestare hetuesit e IPK-së kanë marrë një deklaratë nga ankuesi i cili ka përshkruar rrethanat e rastit”, thuhet në komunikatë.
Hetuesit e IPK-së në koordinim me prokurorin kanë ndërmarrë disa veprime hetimore, derisa rasti vazhdon të trajtohet në procedurë të rregullt.
“Hetuesit e IPK-së pritet të ndërmarrin edhe veprime të tjera hetimore drejt ndriçimit të të gjitha rrethanave të këtij rasti”, njofton IPK-ja.
