Gjendet pa shenja jete një person në Mirash të Obiliqit

Policia e Kosovës njofton se të hënën pas marrjes së një informate për një person të shtrirë në tokë në Mirash të Obiliqit, njësitë relevante kanë dalë në vendin e ngjarjes dhe nga ana e ekipit mjekësor të QKMF-së në këtë komunë është konstatuar vdekja e viktimës mashkull kosovar.

Me vendim të prokurorit, trupi i pajetë i viktimës është dërguar në Institutin e Mjekësisë Ligjore për obduksion.

Rasti është duke u hetuar.