Hamasi dënon djegien e kopjeve të Kuranit nga ushtarët izraelitë

Grupi palestinez i rezistencës Hamasi dënoi të shtunën djegien e kopjeve të librit të shenjtë mysliman nga ana e ushtarëve izraelitë dhe shkatërrimin e xhamive në Rripin e Gazës , duke e quajtur atë “sjellje fashiste të mbushur me urrejtje dhe kriminalitet”.

“Ne dënojmë fuqishëm veprimet e ushtarëve sionistë që djegin kopje të Kuranit gjatë bastisjes dhe përdhosjes së xhamisë Bani Saleh në Gazën veriore”, tha grupi në një deklaratë në Telegram.

“Djegia e Kuranit, përdhosja, shënjestrimi dhe shkatërrimi i xhamive konfirmon natyrën ekstremiste të këtij entiteti dhe ushtarëve të tij, të mbushur me urrejtje dhe kriminalitet, si dhe sjelljen e tyre fashiste ndaj gjithçkaje që lidhet me identitetin dhe shenjtërinë e kombit”, shtuan ata.

Hamasi u bëri thirrje kombeve dhe qeverive arabe dhe islamike të “shprehin zemërimin dhe dënimin e sjelljes sioniste dhe të veprojnë për të mbrojtur shenjtërinë islame dhe të krishterë në Palestinë dhe për të ndaluar gjenocidin kundër popullit tonë”.