Harris pritet të zbulojë kandidatin për zëvendëspresident, kush është favorit kryesor?

Kandidatja për presidente e SHBA-së nga Partia Demokratike, Kamala Harris, të martën e ardhshme duhet të zhvillojë takimin e parë me kandidatin për zëvendëspresident, bëjnë të ditur mediat amerikane.

Siç tha ekipi i Harrisit për Politico, zgjedhja për zëvendëspresident do të zbulohet përpara këtij tubimi të paralajmëruar në Filadelfia, qyteti më i madh në shtetin federal të Pensilvanisë, i cili mund të jetë çelësi për fitoren e presidentit të ardhshëm të SHBA.

Ka ende disa politikanë në lojë dhe Josh Shapiro, guvernatori i Pensilvanisë, shquhet si favorit.

Pikërisht për faktin se mitingu po mbahet në Filadelfia shtohen në mënyrë drastike shanset që Shapiro të paraqitet si kandidat për zëvendëspresident.

Ai është relativisht popullor në vendin që drejton. Kështu thonë sondazhet e prillit të këtij viti, kur rreth 54 për qind e banorëve të Pensilvanisë thanë se Shapiro po bën një punë të shkëlqyer ose shumë të mirë si guvernator.

Megjithatë, do të ketë kritika në Partinë Demokratike për shkak të identitetit të Shapiros, duke pasur parasysh se ai është një hebre që mbështet hapur Izraelin. Kandidat i përfolur është edhe Mark Kelly, ish-astronauti i njohur i NASA-s dhe senatori i Arizonës.