Kaosi global në sistemet dixhitale u shkaktua nga një gabim në përditësimin e sigurisë
Kompania e sigurisë dixhitale përgjegjëse për problemet globale në sistemet dixhitale tha se ishin shkaktuar nga një përditësim i gabuar i sigurisë. “Crowdstrike po punon në mënyrë të vazhdueshme me klientët e prekur për shkak të një defekti gjatë përditësimit të përmbajtjes për përdoruesit e Windows”, tha kompania në një deklaratë. “Kompjuterët Mac dhe Linux [...]Read More...
Kompania e sigurisë dixhitale përgjegjëse për problemet globale në sistemet dixhitale tha se ishin shkaktuar nga një përditësim i gabuar i sigurisë.
“Crowdstrike po punon në mënyrë të vazhdueshme me klientët e prekur për shkak të një defekti gjatë përditësimit të përmbajtjes për përdoruesit e Windows”, tha kompania në një deklaratë.
“Kompjuterët Mac dhe Linux nuk u preken. Ky nuk është një sulm kibernetik,” vuri në dukje kompania, duke shtuar se çdo gjë po shkon drejt normalitetit.
“Ekipi ynë është plotësisht i mobilizuar për të garantuar sigurinë dhe stabilitetin e klientëve të Crowdstrike.”
Pak më parë, Microsoft vuri në dukje Crowdstrike si përgjegjës për problemet e shkaktuara në mbarë botën. Në një deklaratë të veçantë, një zëdhënës tha: “Ne jemi të vetëdijshëm për një çështje që prek një grup klientësh.
Ne e njohim ndikimin që kjo mund të ketë tek klientët dhe po punojmë për të rivendosur shërbimet për ata që ende kanë probleme sa më shpejt të jetë e mundur.”
/abcnews.al