Kurti iu bën thirrje qytetarëve serbë që t`i konvertojnë patentë shoferët në RKS

Kryeministri i Kosovës, Albin Kurti ka ftuar qytetarët serbë në Kosovë, të cilët nuk kanë aplikuar ende për konvertimin e patentë-shoferëve ilegale në legjitime të Kosovës, që ta bëjnë atë deri me 23 gusht.

Në një postim në “X” , Kurti duke njoftuar se afati është shtyrë deri më 23 gusht i ka falënderuar të gjithë ata qytetarë që i janë përgjigjur pozitivisht thirrjes për aplikim.

“Në tre muaj kemi pranuar gjithsej 5.588 kërkesa nga bashkëqytetarët tanë serbë për ta shndërruar patentë shoferin nga ato të lëshuara nga strukturat ilegale dhe paralele nga Serbia në ato legjitime dhe zyrtare të Republikës së Kosovës.Nisur nga interesi i lartë, ne kemi vendosur të shtyjmë afatin edhe për dy javë”, ka shkruar Kurti.

The post Kurti iu bën thirrje qytetarëve serbë që t`i konvertojnë patentë shoferët në RKS appeared first on Albinfo.