Qeveria e Mbretërisë së Bashkuar thotë se nuk është gati për sistemin e ri të kontrollit evropian të pasaportave

Qeveria e Mbretërisë së Bashkuar tha të hënën se nuk ishte gati për sistemin e ri të kontrollit kufitar të BE-së të njohur si EES, pasi njoftoi masa të reja që synojnë shmangien e ndërprerjeve të mëdha në porte.

Futja e një sistemi të automatizuar të hyrjes dhe daljes (EES), që pritet në muajt e ardhshëm, ka ngritur frikën e vonesave për njerëzit që udhëtojnë drejt Evropës me trena dhe tragete, përcjell albinfo.ch.

Policia kufitare franceze kryen kontrolle për këto udhëtime në tokën britanike përpara hipjes.

Seema Malhotra, një ministre e Zyrës së Brendshme, i tha Parlamentit se qeveria “nuk ishte e kënaqur me nivelin e përgatitjeve” të vendosura nga qeveria e mëparshme konservatore, e cila humbi zgjedhjet e përgjithshme në 4 korrik.

“Sistemi do të rrisë kohën e përpunimit”, paralajmëroi ajo, duke shtuar se “ndërprerja” ka të ngjarë kur të fillojë skema.

Malhotra njoftoi hapa të rinj, duke përfshirë krijimin e kapaciteteve shtesë për oficerët francezë të kufirit në Dover, porti kryesor ndër-kanal, raporton thelocal.

Ajo gjithashtu i bëri thirrje Brukselit që të marrë një qasje “pragmatike” ndaj masave që do të përdorë në rastin e pritjeve të tepërta dhe kërkoi një zgjatje të tyre përtej orarit aktual gjashtëmujor për të shmangur radhët në fillim të vitit 2025.

Tutje u tha se qeveria gjithashtu do të punojë “afërt” me Francën, portin e Doverit, operatorin e Eurotunelit nën Channel dhe operatorin e trenave Eurostar.

Eurostar tha në maj se do të ishte gati teksa zbuloi teknologjinë e re në Londër.

Një komision parlamentar britanik tha këtë vit se EES mund të shkaktojë vonesa deri në 14 orë për pasagjerët.

Sistemi i ri do të zbatohet për të gjithë kufijtë e jashtëm në zonën e udhëtimit BE/Schengen, por ka shqetësime të veçanta për kufirin MB-Francë.

The post Qeveria e Mbretërisë së Bashkuar thotë se nuk është gati për sistemin e ri të kontrollit evropian të pasaportave appeared first on Albinfo.