Media amerikane: Moska ka filluar dërgimin e armëve në Iran

Sipas The NeW York Times, Rusia ka filluar dërgimin e pajisjeve të avancuara të mbrojtjes ajrore dhe radarëve në Iran pas kërkesës së Teheranit.

Ndërsa media lokale iraniane raportoi se Teherani kishte kërkuar pajisjet, një anëtar i Korpusit të Gardës Revolucionare Islamike dhe një zyrtar tjetër konfirmuan për NYT se jo vetëm që ishte bërë kërkesa, por se dërgesat kishin filluar.

Irani thotë se Izraeli duhet të “dënohet” për vrasjen e Haniyeh dhe është zotuar se do të ndërmarrë veprime, duke ngritur shqetësimet se përgjigja e tij mund të sjellë Lindjen e Mesme të trazuar më afër luftës së përgjithshme.

Grupi përfaqësues iranian Hezbollah ka kërcënuar gjithashtu se do të godasë Izraelin nga Libani pas vrasjes së liderit të tij ushtarak Fuad Shukr në një sulm afër Bejrutit javën e kaluar për të cilën Izraeli mori përgjegjësinë.

Izraeli ka thënë se është gati të mbrohet dhe do të përgjigjet ndaj çdo agresioni. Sipas një raporti të gazetës Ynet, në një takim të së dielës, kryeministri Benjamin Netanyahu diskutoi me shefat e sigurisë së vendit opsionin e goditjes paraprake të Iranit për të penguar një sulm të afërt.

Në raportin e NYT nuk thoshte se çfarë pajisje kishte kërkuar Irani nga Rusia apo çfarë ishte dorëzuar. Irani tashmë ka disa sisteme të mbrojtjes ajrore S-300 të prodhuar nga Rusia, megjithëse Moska tani ka sistemin më të avancuar S-400.

/abcnews.al