Princesha e Dubait krijon parfumin ‘Divorci’ pasi ndau burrin pas tradhëtisë

Princesha e Dubait është gati të hedhë në treg një linjë të re parfumesh, të quajtur “Divorce,” nën markën e saj Mahra M1.

Sheikha Mahra Al Maktoum, vajza 30-vjeçare e sundimtarit të Dubait Mohammed bin Rashid Al Maktoum, ndau një video të shkurtër të produktit në Instagram këtë të hënë.

Postimi i saj tregon një shishe të zezë që mban fjalën “Divorce”, një referencë ndaj ndarjes së saj të fundit. Videoja shoqëruese, e publikuar një ditë më parë, përmbante një montazh të thyerjes së xhamit, petaleve të zeza dhe një pantere të zezë.

Lançimi i parfumit Divorce vjen disa javë pasi Sheikha Mahra shpalli publikisht ndarjen nga burri i saj në Instagram. “Burri im i dashur, teksa je i angazhuar me persona të tjerë, të njoftoj për ndarjen tonë. Po të lë (x3). Kujdesu për veten. Ish-gruaja jote,”-shkroi princesha e Dubait në një postim në Instagram në korrik 2024.

The post Princesha e Dubait krijon parfumin ‘Divorci’ pasi ndau burrin pas tradhëtisë appeared first on InfoShqip.com.