Protestat e dhunshme në Britani, 378 arrestime pas një jave trazirash të ekstremit të djathtë

Trazirat e ekstremit të djathtë që kanë tronditur Mbretërinë e Bashkuar për një javë kanë çuar deri më tani në 378 arrestime. Numri vazhdon të rritet ndërsa hetimet mbi dhunën po zhvillohen, tha këtë të hënë Federata e Policisë Britanike

“Deri më tani janë bërë 378 arrestime dhe ne presim që ky numër të rritet çdo ditë pasi forcat e rendit vazhdojnë të identifikojnë personat e përfshirë në incident dhe të arrestojnë përgjegjësit”, thuhet në deklaratë, duke shtuar se autoritetet po punojnë gjatë gjithë kohës për ta arritur këtë dhe të përfshirë për t’u sjellë para drejtësisë.

Nga ana e tij, kryeministri britanik Keir Starmer premtoi një përgjigje të fortë për t’i dhënë fund dhunës së ekstremit të djathtë, e cila u përhap në të gjithë Britaninë gjatë fundjavës.

Një javë pas një sulmi me thikë që vrau tre vajza të vogla në Anglinë veriperëndimore dhe mes spekulimeve për origjinën e të dyshuarit, vendi po përballet me incidentet më të këqija në 13 vjet.

/abcnews.al