Publikohen fotografitë: Kjo është gruaja dhe ky është burri që u vra nga kunata e tij sonte në Prishtinë

Një rast i rëndë ka ndodhur sonte në lagjen “Kodra e Trimave”, ku një person u vra me armë zjarri.

Për shkaqe të panjohura, e dyshuara Nazmije Millaku ka qëlluar për vdekje kunatin e saj, viktimën Xhevdet Millaku.

Motivet që kanë çuar deri në këtë tragjedi nuk janë bërë akoma të ditura, teksa viktima dhe dorasja raportohet të kenë banuar pranë njëri-tjetrit.

Të njëjtit janë nga fshati Ujmir i Klinës.

Rastin e ka konfirmuar edhe zëdhënësja e Policisë për rajonin e Prishtinës, Flora Ahmeti.

Ahmeti tha se viktima është vetdorëzuar në polici, teksa hetuesit po merren me rastin.

“Sot rreth orës 19:20 kemi pranuar informatën për një vrasje, që ka ndodhë në rrugën “Ismet Krasniqi” në Prishtinë.

Menjëherë policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen.

Lidhur me rastin është vetdorëzuar një person, e dyshuara N.M., femër.

Aktualisht hetuesit policor, në koordinim me prokurorin e shtetit janë duke punuar për të ndriçuar dhe sqaruar të gjitha rrethanat që kanë të bëjnë me këtë rast” tha Ahmeti.