Sondazhi: 40 për qind e respondentëve e kanë një anëtar të familjes jashtë vendit
19 për qind e respondetëve u shprehën se do të dilnin për të jetuar jashtë Kosovës The post Sondazhi: 40 për qind e respondentëve e kanë një anëtar të familjes jashtë vendit appeared first on Albinfo.
![Sondazhi: 40 për qind e respondentëve e kanë një anëtar të familjes jashtë vendit](https://www.albinfo.ch/wp-content/uploads/2024/01/406962632_744913330835977_1388660830912877001_n-280x280.jpg)
Sondazhi i realizuar nga Instituti Republikan Ndërkombëtar ka nxjerrë gjetjet se 40 për qind e qytetarëve të anketuar kanë deklaruar se një anëtar i familjes së tyre jeton apo punon në një ndonjë vend të huaj, ndërkaq 19 për qind e tyre kanë deklaruar se do të dilnin jashtë vendit për një periudhë më të gjatë, e jo vetëm për pushime, përcjell albinfo.ch.
Në sondazhin që është zhvilluar nga 6 deri më 27 maj, janë përgjigjur 1,200 qytetarë të Kosovës, të moshës 18 vjeç e lart.
Në pytetjen: “Nëse do të kishin mundësi, do të zgjidhnin të dilnit jashtë vendit, jo vetëm për pushime, por për një periudhë më të gjatë?”, 19 për qind janë përgjigjur definitivisht PO, 33 për qind ndoshta PO, 15 për qind ndoshta JO, 29 për qind definitivisht JO, 4 për qind kanë refuzuar të përgjigjen ose nuk e dinë.
Të pyetur: “Nëse do të kishin mundësinë të vizitojnë ndonjë nga vendet e zonës Shengen, cili do të ishte qëllimi i vizitës”, 34 për qind janë përgjigjur se do ta vizitonin si turistë, 30 për qind do ta vizitonin një anëtar të familjes që jeton jashtë vendit, 20 për qind do ta vizitonin për qëllime të lidhura me punën, 5 për qind për qëllime edukative, 8 për qind nuk planifikojnë të vizitojnë asnjë nga vendet e zonës Shengen, 4 për qind nuk e dinë ose refuzojnë të përgjigjen dhe 1 për qind – për qëllime të tjera.
The post Sondazhi: 40 për qind e respondentëve e kanë një anëtar të familjes jashtë vendit appeared first on Albinfo.