Sulm izraelit ndaj shkollës në Gaza/ 30 të vdekur dhe mbi 100 të plagosur

Të paktën 30 persona u vranë dhe më shumë se 100 u plagosën në një sulm ajror izraelit në një shkollë në Deir-al Balah në Gaza qendrore, sipas Ministrisë palestineze të Shëndetësisë në Gaza, raporton CNN.

Ushtria izraelite nisi një sulm për të shkatërruar qendrën e komandës dhe kontrollit të Hamasit brenda bazës.

Shumica e viktimave nga shkolla që mbërritën në Spitalin e Martirëve Al-Aksa pas sulmit ishin gra dhe fëmijë, tha zëdhënësi i spitalit Dr. Khalil Al-Dakran.

“Më shumë se 4,000 njerëz të zhvendosur janë vendosur në shkollë”, njoftoi Mbrojtja Civile Palestineze.

Sulmi erdhi menjëherë pasi ushtria izraelite lëshoi ​​urdhra të reja evakuimi më në jug në qytetin Khan Younis, ku Izraeli nisi një ofensivë të re në fillim të kësaj jave që vrau dhjetëra palestinezë.

Banorëve në lagjet jugore iu tha të largoheshin pasi u paralajmëruan se Forcat e Mbrojtjes të Izraelit (IDF) do të “vepronin dhunshëm” në zonë./abcnews.al