Theo drejt largimit, Milan ka gjetur zëvendësuesin në Serie A për 40 milionë euro

Theo Hernandez bën gati valixhet, Milan ka gjetur zëvendësuesin në Serie A.

Mbrojtësi i Milanit, Theo Hernandez është në qendër të kritikave pas veprimit të tij në ndeshjen me Lazion.

Theo e nisi ndeshjen nga stoli dhe pas inkuadrimit injoroi udhëzimet e trajnerit Fonseca duke shkaktuar reagime të shumta.

Edhe pse drejtuesit nuk e ndëshkuan Theon për veprimin e bërë, mes tyre ka krisje dhe francezi po mendon tashmë largimin nga Milani.

Interesim për Theon kanë shfaqur Bayern, PSG dhe Real Madrid, ndërsa nga shitja e tij Rosonerët pritet të arkëtojnë 70-80 milionë euro.

Calciomercato, ka lëshuar një lajm të bujshëm duke raportuar se Milan e ka piketuar tashmë zëvendësuesin e francezit.

Bëhet fjalë për mbrojtësin e Lecces, Patrick Dorgu, kartoni i të cilit vlerësohet 40 milionë euro.