Vjenë: Planet për sulm në koncertet e Taylor Swift, arrestohet edhe një person
Planet për sulm në koncertet e Taylor Swift, arrestohet edhe një i ri nga Iraku The post Vjenë: Planet për sulm në koncertet e Taylor Swift, arrestohet edhe një person appeared first on Albinfo.
Një 18-vjeçar irakian është ndaluar në Vjenë lidhur me hetimet që po bëhen rreth planeve për të sulmuar disa koncerte të Taylor Swift në kryeqytetin e Austrisë.
Lajmin e bëri të ditur Ministria e Brendshme e vendit të premten.
Shtetasi nga Iraku besohet se vjen nga i njëjti rreth si i dyshuari kryesor, 19-vjeçari austriak me origjinë nga Maqedonia e Veriut.
I dyshuari kryesor, i cili ishte zotuar për besnikëri ndaj Shtetit Islamik, dyshohet se po planifikonte një sulm vdekjeprurës në koncertin e Swift, ku mund të ndodheshin të paktën 20 mijë fansa.
Ylli amerikan i popit kishte planifikuar koncerte në Vjenë, për të enjten, të premten dhe të shtunën. Të tri këto koncerte u anuluan për shkaqe sigurie.
Lidhur me ngjarjen janë vënë në pranga edhe dy të rinj të tjerë austriakë, 17 dhe 15 vjeç.
The post Vjenë: Planet për sulm në koncertet e Taylor Swift, arrestohet edhe një person appeared first on Albinfo.