Distria Krasniqi për 37 sekonda e mposht kundërshtaren e parë në Lojërat Olimpike

Xhudistja e Kosovës, Distria Krasniqi, e ka nisur mbarë garën e saj në Lojërat Olimpike Paris 2024.

Ajo e ka mposhtur me ipon indonezianen Maryam Maharani, në kategorinë 52 kilogramë.

Ndaj saj fitoi me Ippon të shpejtë për 37 sekonda.

Tani Distria është në çerekfinale.

“Krasniqi u kualifikua në çerekfinale. Forca tutje DISI”, ka shkruar Komiteti Olimpik i Kosovës.

Distria Krasniqi do të përballet me izraeliten Gefen Primo në çerekfinale të kategorisë deri 52 kilogramë.

Në xhiron e dytë, Primo e mposhti xhudisten e Zvicrës, Binta Ndiaye.

Distria i ka fituar tri përballjet me izraeliten.

The post Distria Krasniqi për 37 sekonda e mposht kundërshtaren e parë në Lojërat Olimpike appeared first on Albinfo.