Gaza/ Ushtria izraelite zbulon komandën e Hamasit në selinë e UNRWA-s, gjen dronë dhe depo armësh

Ushtria izraelite pretendon se ka gjetur armë dhe një dhomë komandimi të përdorur nga Hamasi në selinë e UNRWA në qytetin e Gazës.

Trupat bastisën kompleksin në fillim të kësaj jave si pjesë e një operacioni të ri të kryer në lagjet perëndimore dhe jugore të qytetit të Gazës.

Sipas mediave izraelite, trupat e Brigadës Komando gjetën pjesë të një droni të Hamasit, një dhomë komandimi që përdorej për të vëzhguar forcat izraelite dhe dhjetëra armë, duke përfshirë raketa, mitralozë, pajisje shpërthyese, granata dhe dronë që hedhin bomba.

Në një ndërtesë universiteti aty pranë, IDF thotë se komandot gjetën një laborator nëntokësor të prodhimit të bombave dhe armë shtesë.

/abcnews.al