Kurti të hënën në Shkup, tema kryesore incidenti me presidenten Osmani

Pas incidentit ndërshtetëror me presidenten Vjosa Osmani, të hënën në Shkup pritet të vijë kryeministri i Kosovës, Albin Kurti, raporton gazeta Koha.

Zyrtarë të Qeverisë së Kosovës thonë për gazetën KOHA se Kurti në Shkup do të takojë zyrtarët më të lartë të Maqedonisë së Veriut, ndërsa tema kryesore e takimit do të jetë incidenti ndërshtetëror në Aeroportin e Shkupit, konkretisht poshtërimi dhe keqtrajtimi i presidentes Vjosa Osmani, e cila megjithëse me notë verbale, u pengua të udhëtojë me kohë drejt Sllovenisë.

Protokolli shtetëror i dy vendeve po i koordinojnë takimet dhe besohet se të hënën paradite, Kurti arrin në Shkup.

The post Kurti të hënën në Shkup, tema kryesore incidenti me presidenten Osmani appeared first on Flaka, në çdo lajm... .