Mediat e huaja: Pakistanezi i lidhur me Iranin komplotoi atentate në SHBA, Trump ishte objektiv

Një pakistanez me lidhje të dyshuara me Iranin akuzohet për një komplot të dështuar të vrasjes që mund të synonte ish-presidentin Donald Trump, raporton rrjeti televiziv amerikan CNN, duke cituar një zyrtar dhe dokumente gjyqësore.

FBI beson se komploti kishte në shënjestër Trump dhe zyrtarë të tjerë aktualë dhe ish-qeveritare amerikane. Asif Merchant, 46 vjeç, akuzohet se ka udhëtuar në Nju Jork dhe ka punuar me një vrasës me pagesë për të kryer vrasjet në fund të gushtit ose në fillim të shtatorit, sipas akuzave të ngritura nga prokurorët federalë në Brooklyn, Nju Jork.

60-vjeçari u arrestua më 12 korrik teksa përgatitej të largohej nga Shtetet e Bashkuara, thanë prokurorët, pak pasi u takua me vrasës të dyshuar për të cilët ai besonte se do të kryenin vrasjet, por në fakt ishin oficerë policie të fshehtë. FBI beson se e prishi planin e Merchant përpara çdo sulmi.

Administrata amerikane ka ngritur vazhdimisht shqetësime se Irani mund të kërkojë të hakmerret kundër sulmit të vitit 2020 me dron amerikan që vrau gjeneralin Qasem Soleimani, gjeneralin më të lartë të Gardës Revolucionare Islamike të Iranit (IRGC), duke u përpjekur të vrasë Trump ose ish-këshilltarët e tij.

Prokurorët amerikanë kanë akuzuar njerëz të tjerë për tentativa të ngjashme për vrasje në të kaluarën, duke përfshirë akuzat e ngritura në vitin 2022 kundër një shtetasi iranian 45-vjeçar dhe anëtar i IRGC-së, i cili dyshohet se u përpoq të paguante 300,000 dollarë për një person në SHBA për të vrarë ish-këshilltarin e sigurisë kombëtare, John Bolton. Në atë rast, prokurorët pretendojnë se plani ishte “hakmarrje e mundshme” për vdekjen e Soleimanit.

/abcnews.al