Moti sot me diell, temperaturat shkojnë në 21 gradë

Sot në Kosovë, parashihet të mbajë mot me diell dhe pjesërisht i vranët.

Sipas Institutit Hidrometeorologjik të Kosovës, temperaturat maksimale sot do të arrijnë deri në 21 gradë Celsius, ndërsa minimalet deri në 6 gradë Celsius.

“Të shtunën do të mbajë mot me diell dhe pjesërisht i vranët. Temperaturat minimale do të lëvizin ndërmjet 6-9 gradë Celsius, ndërsa maksimalet e ditës parashihen të lëvizin ndërmjet 17-21 gradë Celsius. Do të fryjë erë kryesisht nga drejtimi i verilindjes me shpejtësi 1-3m/s”, thuhet në njoftimin e IHMK-së.