Në ditëlindjen e 29-të, Dua Lipa merr urim të veçantë nga Veliaj: Gëzuar për yllin tonë

Këngëtarja shqiptare me famë ndërkombëtare, Dua Lipa, feston ditën e sotme (e enjte) ditëlindjen.

E lindur më 22 gusht të vitit 1995 në Londër, ylli i famshëm ka mbushur plot 29 vite jetë.

Artistja me origjinë nga Kosova me këtë rast ka marrë urime të shumta në rrjete sociale nga familjarë e miq.

Një i tillë nuk mungoi as nga kryetari i Bashkisë së Tiranës, Erion Veliaj, i cili zgjodhi një imazh të përbashkët të realizuar kur Dua ishte në Shqipëri.

“Le ta urojmë të gjithë bashkë yllin tonë: Gëzuar ditëlindjen gocë”, kanë qenë fjalët e Veliajt.

Kur ajo ishte për vizitë para tri vitesh iu dhurua një targë shqiptare nën emrin “DUA 100 Tr’ e shoqëruar bashkë me flamurin kombëtar.

Lipa nga ana tjetër i dhuroi Veliajt albumin e saj “Future Nostalgia” me autograf.

Dua është shumë e lidhur me Shqipërinë e Kosovën, ku edhe e shpreh vazhdimisht se është krenare për origjinën e saj.