Një shqiptar sulmon policinë në Gjermani

Një qytetar, që mediat gjermane e quajnë terrorist (29) vazhdimisht bërtiste “Allahu Akbar” dhe donte të shkaktonte gjakderdhje mes policëve. Prokurori i Përgjithshëm i Koblenz-it, Harald Kruse (60) është i bindur për këtë dhe po heton “vrasje të mbetur në tentativë duke sulmuar komisariatin me mashete”.

Shqiptari, i cili jeton në qytetin e vogël të Linzit (rrethi Neuwied/6500 banorë), ka vrapuar drejt komisariatit “Am Konvikt” rreth orës 2:40 të mëngjesit të së premtes. Ai u vërsul nga dera.

“Aty ai vazhdimisht bërtiste ‘Allahu Akbar’ dhe tha se donte të vriste policët”, tha Kruse.

Ajo që njeriu me mashete me sa duket nuk e priste: për të shkuar në polici, do t’i duhej të kalonte nga një derë e dytë që vetëm roja mund ta hapte. Oficeri ishte gjithashtu në gjendje të mbyllte derën e jashtme duke shtypur një buton. Më pas shqiptari u bllokua.

Oficerët e policisë u përpoqën t’i shpjegonin burrit përmes telefonit se situata ishte e pashpresë. Më në fund mbërriti një njësi e operacioneve speciale (SEK) nga Koblenz (Rheinland-Pfalz). Autori është arrestuar.

“Hetimet fillestare kanë zbuluar indikacione të një motivimi radikal islamik nga ana e të akuzuarit”, tha Prokurori i Përgjithshëm.

Kruse vazhdoi: “Gjatë kontrollit të vazhdueshëm të banesës, një flamur i organizatës terroriste jashtë vendit, “Shteti Islamik”, u gjet i vizatuar në një mur”.

Shqiptari tashmë ndodhet në paraburgim./Bild.de

The post Një shqiptar sulmon policinë në Gjermani appeared first on Albinfo.