Osmani dorëzon flamurin për ekipin olimpik të Kosovës
Presidentja e Kosovës Vjosa Osmani u dorëzoi sot flamurin sportistëve kosovarë që marrin pjesë në Lojërat Olimpike ‘Parisi 2024’. Në ceremoninë e organizuar ajo tha se Lojërat Olimpike kapërcejnë kufijtë e sportit dhe i shërbejnë unitetit e paqes dhe respektit të ndërsjellë, përcjell albinfo.ch. “Në prag të ‘Lojërave Olimpike Paris 2024’, të gjithë së bashku, […] The post Osmani dorëzon flamurin për ekipin olimpik të Kosovës appeared first on Albinfo.
![Osmani dorëzon flamurin për ekipin olimpik të Kosovës](https://www.albinfo.ch/wp-content/uploads/2024/07/flamuri-olimpik-280x280.jpg)
Presidentja e Kosovës Vjosa Osmani u dorëzoi sot flamurin sportistëve kosovarë që marrin pjesë në Lojërat Olimpike ‘Parisi 2024’. Në ceremoninë e organizuar ajo tha se Lojërat Olimpike kapërcejnë kufijtë e sportit dhe i shërbejnë unitetit e paqes dhe respektit të ndërsjellë, përcjell albinfo.ch.
“Në prag të ‘Lojërave Olimpike Paris 2024’, të gjithë së bashku, ashtu siç është sentimenti i popullit në raport me kampionët e vendit tonë, janë tubuar për t’ia dorëzuar garuesve tanë flamurin e Republikë së Kosovës, si bekim për sukses në Paris. Lojërat Olimpike kapërcejnë kufijtë e sportit dhe i shërbejnë unitetit e paqes dhe respektit të ndërsjellë. Në një botë sikur kjo e sotmja e cila shpesh ndahet nga parimet, lojërat olimpike nxjerrin në pah të përbashkëtat tona, respektivisht aftësitë tona për të bashkuar nëpërmjet konkurrencës miqësore dhe respektit të ndërsjellë”, deklaroi Osmani.
Ekipi olimpik do të udhëtojë këtë muaj në Paris të Francës, ku do të zhvillohet edicioni i radhës i Lojërave Olimpike. Këto lojëra do të fillojnë më 26 korrik dhe do të vijojnë deri më 11 gusht.
The post Osmani dorëzon flamurin për ekipin olimpik të Kosovës appeared first on Albinfo.