Pjesë të Tetovës kanë mbetur pa energji elektrike për 30 orë për shkak të një defekti në trafostacion

Dy trafostacione në Tetovë kanë rënë nga sistemi para dy ditësh. Përderisa defekti u sanua shpejt në njërin, trafostacioni i dytë pësoi dëme të mëdha, për shkak të të cilit pjesë të Tetovës në zonën e shkollës fillore “Andrea Saveski-Kikish” mbetën pa energji elektrike për 30 orë. Defekti në këtë trafostacion është rregulluar vetëm dje rreth orës 18:30, transmeton Portalb.mk.

“Për shkak të ndërprerjes së një blloku të tensionit të mesëm, të mërkurën pa rrymë kanë mbetur trafostacionet ‘Kikish’ dhe ‘Tetova 1’. Ekipet e Elektrodistribucisë kanë intervenuar menjëherë në terren dhe për një kohë të shkurtër kanë normalizuar furnizimin me energji elektrike në trafostacionin “Tetova 1”, ndërsa rehabilitimi i trafostacionit tjetër ka zgjatur më shumë për shkak të dëmtimeve të rënda që kanë ndodhur si pasojë e ndërprerjes” njoftoi EVN Elektrodistribucija.

Duke qenë se një pjesë e qytetit ka mbetur pa energji elektrike për 30 orë, disa nga banorët e kësaj zone janë ankuar se kanë pësuar dëmtime, veçanërisht në ngrirësit në të cilët ruajnë ushqimet.