Rrokulliset vetura me pesë persona brenda afër Sllatinës, raportohet për vde*kje

Sot rreth orës 18:56 në afërsi të Sllatinës në drejtimin Prishtinë-Pejë është rrokullisur një veturë në të cilën ishin pesë persona brenda. Zëdhënësi i Policisë së Kosovës, Daut Hoxha, tha për Front Online se përveç dëmeve të rënda trupore, raportohet edhe për pasoja fatale nga ky aksident.

Sipas informatave të para, personi që po voziste veturën kishte humbur kontrollin mbi të.

Zëdhënësi Hoxha tha se në vendin e ngjarjes ka dalë policia, ekipi emergjent dhe zjarrfikësit.

“Autoritetet ndodhen në vendin e ngjarjes dhe po kryejnë hetime, përderisa për detaje do të njoftoheni pas raportimeve shtesë nga zyrtarët nga vendi i ngjarjes”, tha Hoxha.