Shembet ndërtesa dy-katëshe në Itali/ Humb jetën një 4 vjeçar, bllokohen nën rrënoja disa të tjerë

Rrjedhja e gazit natyror në shtëpinë e një të moshuari ka shkaktuar një shpërthim gjatë natës, me pasojë shembjen e një ndërtese dykatëshe jashtë Napolit, në zonën e Savianos.

Sipas informacioneve, në katin e parë jetonte një familje me pesë anëtarë, një çift me tre fëmijë.

Ata janë bllokuar nga rrënojat dhe zjarrfikësit po punojnë për t’i shpëtuar.

Në këtë fazë, babai dhe njëri prej fëmijëve u shpëtuan, ndërsa një vajzë 4-vjeçare u gjet e vdekur. Forcat zjarrfikëse po punojnë për gjetjen dhe nxjerrjen e nënës dhe një fëmije tjetër.

/abcnews.al