Veles, në 40 gradë e la foshnjën jashtë të uritur dhe të dehidratuar: PThP urdhëroi hetim për nënën

Prokuroria Themelore Publike Veles ka lëshuar urdhëresë për zhvillimin e procedurës hetimore ndaj nënës së foshnjës 6 muajshe e cila më 12 korrik u gjet e lënë në stol në rrugën “8 Shtatori”. Foshnja është vërejtur nga një kalimtar i rastit dhe e ka dërguar në Spitalin e Përgjithshëm të Velesit, ku është shtruar në gjendje të rëndë shëndetësore, transmeton Portalb.mk.

Prokurori publik kompetent gjatë procedurës para hetimore ka lëshuar urdhra për përcaktimin e profilit të ADN-së dhe analizës së ADN-së së foshnjës, me të cilat konstatohet se e dyshuara tani është nëna biologjike e foshnjës, e cila ka neglizhuar rëndë detyrën e saj për përkujdesje dhe edukimit prindëror dhe e ka braktisur fëmijën të porsalindur dhe në kushtet e temperaturës jashtëzakonisht të lartë mbi 40 gradë Celsius, ajo e la atë në një stol, pa rroba, të kequshqyer dhe të dehidratuar. Pasi është shtruar në spitalin e Velesit, ajo për një kohë të shkurtër ka vizituar foshnjën, pas së cilës është larguar dhe nuk është kthyer më. Andaj, ekziston dyshimi i bazuar se me veprime të tilla ajo ka kryer vepër penale – Mospërfillje dhe keqpërdorim i fëmijës nga neni 201 paragrafi 3 në lidhje me paragrafin 1 të Kodit Penal.

Tek foshnja e shtruar është konstatuar çrregullim i rëndë i gjendjes shëndetësore, të cilin prokurori publik kompetent e ka dokumentuar me dokumentacion përkatës mjekësor dhe gjetje të shkathët, si dhe është marrë në pyetje dëshmitari që ka gjetur fëmijën e braktisur. Ndaj të dyshuarës, e cila është në arrati dhe e paarritshme në adresën ku ka banuar në Veles, prokurori publik kompetent i ka dorëzuar gjyqtarit të procedurës paraprake propozim për caktimin e masës së paraburgimit. Propozimi është pranuar dhe masa e paraburgimit do të fillojë të zbatohet menjëherë pas gjetjes dhe heqjes së lirisë.

Fëmija është vendosur nën kujdestarinë e Qendrës për Punë Sociale dhe për përkujdesje pa mbikëqyrje prindërore.