Boris Johnson takon Trump në SHBA, ish-kryeministri britanik zbardh bisedën: Diskutuam për situatën në Ukrainë

Ish-kryeministri i Britanisë, Boris Johnson zhvilloi një takim me Donald Trump gjatë të cilit ata diskutuan “gjerësisht” situatën në Ukrainë. Johnson u bë ish-kryeministri i fundit britanik që shkoi në SHBA për konventën republikane këtë javë, pasi Liz Truss mbërriti në Milwaukee të hënën.

Por ndryshe nga pasardhësi i tij, ai konfirmoi se kishte një takim kokë më kokë me kandidatin presidencial, për të cilin thuhet se zgjati rreth 30 minuta.

Great to meet President Trump who is on top form after the shameful attempt on his life. We discussed Ukraine and I have no doubt that he will be strong and decisive in supporting that country and defending democracy. pic.twitter.com/OEVZPZsRE1

— Boris Johnson (@BorisJohnson) July 16, 2024

“Isha i kënaqur që takova Trump, i cili është në formë të shkëlqyer pas sulmit ndaj tij. Ne diskutuam për Ukrainën dhe nuk kam asnjë dyshim se ai do të jetë i fortë dhe vendimtar në mbështetjen e atij vendi dhe mbrojtjen e demokracisë”, shkroi Boris Johnson në një postim në platformën X pas takimit të tyre.

/abcnews.al