Kalaja e Gjirokastrës më e vizituara, mbi 120 mijë vizitorë këtë vit
Mbi 120 mijë vizitorë vendas dhe të huaj nga fillimi i vitit numëron Kalaja e Gjirokastrës, e cila është monumenti më i vizituar në Shqipëri. Ministrja e Turizmit dhe Mjedisit, Mirela Kumbaro bëri të ditur se qyteti i UNESCO-s po tërheq edhe numrin më të lartë të vizitorëve, raporton atsh, përcjell Albinfo.ch. “Kalaja e Gjirokastrës […] The post Kalaja e Gjirokastrës më e vizituara, mbi 120 mijë vizitorë këtë vit appeared first on Albinfo.
Mbi 120 mijë vizitorë vendas dhe të huaj nga fillimi i vitit numëron Kalaja e Gjirokastrës, e cila është monumenti më i vizituar në Shqipëri.
Ministrja e Turizmit dhe Mjedisit, Mirela Kumbaro bëri të ditur se qyteti i UNESCO-s po tërheq edhe numrin më të lartë të vizitorëve, raporton atsh, përcjell Albinfo.ch.
“Kalaja e Gjirokastrës renditet e para ndër sitet kulturore me 120 723 vizitorë nga janari në korrik që kanë zbuluar shpirtin, historinë dhe vlerat e këtij monumenti për të zbritur më pas në atraksionet e tjera magjike të qytetit UNESCO”, theksoi ministrja e Turizmit dhe Mjedisit, Mirela Kumbaro.
Turistët e huaj përbëjnë edhe numrin më të lartë të vizitorëve, ndërsa ata vijnë nga Europa, SHBA e deri nga Australia.
Kalaja është një histori e lidhur me qytetin e Gjirokastrës dhe përmendet për herë të parë si qytet dhe kështjellë në vitin 1336.
Kalaja u bë e njohur në periudhën e Pashallëkut të Janinës, kur Ali Pashë Tepelena do të realizonte një sërë ndërtimesh të reja apo ndërhyrje të tjera, duke i dhënë Kalasë së Gjirokastrës fizionominë arkitektonike dhe ndërtimore që ka sot.
Duke filluar nga viti 1968 skena e gurtë e Kalasë së Gjirokastrës do të priste me bujari instrumentistët, këngëtarët dhe valltarët e folkut në kuadër të Festivalit Folklorik të Gjirokastrës.
Njëkohësisht gjatë këtyre viteve mjediset e Kalasë kanë shërbyer edhe për organizimin e koncerteve, spektakleve dhe panaireve të ndryshëm kulturorë. Kalaja e gurtë është edhe një prej pikave më tërheqëse në guidat e grupeve turistike vendase dhe të huaja që vizitojnë Gjirokastrën e mbrojtur nga UNESCO./Albinfo.ch/
The post Kalaja e Gjirokastrës më e vizituara, mbi 120 mijë vizitorë këtë vit appeared first on Albinfo.