Pendarovski kritik ndaj BE-së: Si mundet që dekadën e fundit askush nga Ballkani Perëndimor nuk ka pasur sukses në rrugën drejt BE-së
Prapambetja e Ballkanit Perëndimor në rrugën drejt anëtarësimit në BE është më së shumti për shkak të Bashkimit Evropian. Kështu ka deklaruar ish-presidenti i Maqedonisë së Veriut Stevo Pendarovski, si pjesëmarrës në panelin “Ballkani Perëndimor në udhëkryq midis Perëndimit dhe Lindjes”, e cila u mbajt në kuadër të forumit global të sigurisë Globsec në Pragë, […]
Prapambetja e Ballkanit Perëndimor në rrugën drejt anëtarësimit në BE është më së shumti për shkak të Bashkimit Evropian. Kështu ka deklaruar ish-presidenti i Maqedonisë së Veriut Stevo Pendarovski, si pjesëmarrës në panelin “Ballkani Perëndimor në udhëkryq midis Perëndimit dhe Lindjes”, e cila u mbajt në kuadër të forumit global të sigurisë Globsec në Pragë, transmeton Portalb.mk.
Pendarovski theksoi se vitin e kaluar u mbushën 20 vjet nga agjenda e Selanikut, kur anëtarësimi i plotë në BE për vendet e Ballkanit Perëndimor u përmend për herë të parë në një dokument evropian, por asnjë nga këto angazhime nuk u përmbush, që nga zgjerimi i fundi para njëmbëdhjetë viteve kur Kroacia u bë anëtare.
“Është më se e qartë se ne nuk i kemi bërë detyrat e shtëpisë. Por më thoni, si është e mundur që në 10-11 vitet e fundit askush nga Ballkani Perëndimor nuk ka pasur sukses në rrugën drejt Bashkimit Evropian? Mali i Zi ka negociuar për 12 vjet, Serbia ka qenë zyrtarisht në atë proces për një kohë të ngjashme dhe askush nuk është as afër fundit të asaj rruge të gjatë”, tha Pendarovski.
Siç shtoi ai, askush nuk duhet të habitet që entuziazmi i popullatës po zbehet. Ai përmendi se para se vendi ynë të ishte një nga vendet më pro-evropiane dhe properëndimore në rajon, më shumë se 70 ose 80 për qind e njerëzve ishin pro anëtarësimit të plotë në BE dhe sot kjo përqindje është më pak se 50.
Ish-presidenti vlerësoi se Bashkimi Evropian nuk punon në mënyrë aktive me Ballkanin Perëndimor, siç bënë Shtetet e Bashkuara pas sulmeve terroriste të 11 shtatorit 2001.
Kujtojmë se RMV-ja duhet t’i bëj ndryshimet kushtetuese për të ecur përpara në rrugën eurointegruese. Ato nënkuptojnë shtimin e bullgarëve dhe kombeve tjera në Kushtetutë. Kjo vjen si rezultat i asaj që Maqedonia e Veriut pas 17 vitesh me në vitin 2022 filloi bisedimet qasëse me BE-në me mbajtjen e konferencës së parë ndërqeveritare. Megjithatë, negociatat nuk do të fillojnë derisa të bëhen ndryshimet kushtetuese.
