Emra të rinj në kryesinë e ASH-së, shpallet vendimi për zgjedhjet brenda partiake

Në mbledhjen e rregullt të ASH-së së Arben Taravarit të mbajtur në Selinë qëndore në Tetovë, u sollën disa vendime të rëndësishme organizative dhe strukturore te konsolidimit, njoftojnë nga kjo parti.

“Ndër pikat e e rendit të ditës ishte edhe kumtimi i antarëve të ri të Kryesisë Qëndrore edhe ate Prof Dr. Asim Izairi nga Çegrani i Gostivarit, urolog i njohur, Dr. Idriz Orana hirurg nga Shkupi, Mr.Sc Njomza Shaqiri nga Gostivari, doktorante dhe aktiviste e kahmotshme e ASH nga Gostivari e cila u zgjodh edhe Sekretare për barazi gjinore si dhe profesori universitar nga Tetova Isak Sherifi, dikur shef i kabinetetit të Kryetarit të PDSH Arbën Xhaferit.

Një pikë tjetër e rëndësishme ishte edhe vendimi i KQ pë shpalljen e zgjedhjeve brenda partiake, ku u formua komisioni i cili do ta përgatis dhe mbikqyr këtë proces të rëndësishëm të zgjedhjeve të Kryetarëve të degëve, në nivel republikan i cili proces do ta përfundojë para Kongresit e ardhshëm të ASH që pritet të mbahet në tetor”, thuhet në njoftimin partiak.

The post Emra të rinj në kryesinë e ASH-së, shpallet vendimi për zgjedhjet brenda partiake appeared first on Flaka, në çdo lajm... .