Gërvalla: Kosovarët pa viza në Izrael nga 19 shtatori
Shefja e diplomacisë kosovare, Donika Gërvalla-Schëarz, ka njoftuar për nënshkrimin e marrëveshjes me Izraelin që bën të mundur udhëtimin e kosovarëve drejt shtetit hebre pa viza. Marrëveshja, siç ka njoftuar ministrja e Punëve të Jashtme hyn në fuqi nga data 19 shtator 2024. “Qytetarët e Republikës së Kosovës nga 19 shtatori i këtij viti mund […]
![Gërvalla: Kosovarët pa viza në Izrael nga 19 shtatori](https://orainfo.net/wp-content/uploads/2024/06/655081-gervalla-kosovaret-pa-viza-ne-izrael-nga-19-shtatori.jpg)
Shefja e diplomacisë kosovare, Donika Gërvalla-Schëarz, ka njoftuar për nënshkrimin e marrëveshjes me Izraelin që bën të mundur udhëtimin e kosovarëve drejt shtetit hebre pa viza.
Marrëveshja, siç ka njoftuar ministrja e Punëve të Jashtme hyn në fuqi nga data 19 shtator 2024.
“Qytetarët e Republikës së Kosovës nga 19 shtatori i këtij viti mund të udhëtojnë pa viza edhe në Izrael, kjo falë marrëveshjes që sot nënshkruam me Ministrin e Brendshëm të Izraelit, Moshe Arbel, pas takimit dypalësh që patëm paraprakisht.
Kjo marrëveshje që nënshkruam dhe ky vendim për heqjen e vizave për qytetarët e dy vendeve tona është edhe një hap më shumë në fuqizimin e pasaportës së Republikës sonë dhe një kapitull i ri në promovimin e shtetit tonë, bashkëpunimin dhe zhvillimin ekonomik, zhvillimin arsimor të të rinjve si dhe realizimin e projekteve dhe iniciativave të përbashkëta mes qytetarëve dhe vendeve tona në të ardhmën”, ka shkruar Gërvalla.