“Situata në Gaza, përtej katastrofikes”, OKB i bën thirrje Izraelit që të lejojë punën e ekipeve të ndihmave

OKB-ja i ka bërë presion qeverisë izraelite për të siguruar që organizatat humanitare të mund të kryejnë punën e tyre.

Në një konferencë shtypi, zëdhënësi Stephane Dujarric theksoi rolin kritik të agjencisë së OKB-së për refugjatët palestinezë, UNRëA, si “shtylla kurrizore, zemra, mushkëritë dhe krahët” e ndihmës humanitare në Gaza.

“Ne jemi në kontakt të vazhdueshëm me homologët izraelitë, veçanërisht COGAT-in [Koordinimi i Aktiviteteve Qeveritare të Ushtrisë Izraelite në Territore] se si të përmirësohet sistemi,” tha Dujarric. “Situata humanitare në Gaza mbetet përtej katastrofike.”

Komentet erdhën pasi Ministria e Shëndetësisë e Gazës akuzoi Izraelin për bllokimin e ekipeve të vaksinimit ndaj poliomielitit që të hyjnë në territor.

Dujarric vuri në dukje se më shumë se një milion njerëz në Gaza qendrore dhe jugore nuk morën asnjë racion ushqimor në gusht. Një bllokadë e vazhdueshme e enklavës ka çuar në mungesa të mëdha të ushqimit, ujit të pastër dhe ilaçeve./abcnews.al