Shkatërrohet karteli i drogës në Brazil/ Nga shitja e kokainës u pastruan rreth 900 milionë euro

Policia braziliane njoftoi të martën se kishte shkatërruar një bandë që pastronte rreth 900 milionë euro nga shitja e kokainës te kartelet në Meksikë dhe vende të tjera.

Autoritetet thanë se banda ishte e përfshirë në pastrimin e parave të fituara nga trafikantët brazilianë të cilët transportonin kokainë nga Bolivia dhe Kolumbia në vendet e Amerikës Qendrore, si dhe destinacione të tjera, përfshirë Europën.

Në këtë kontekst, ata po bënin investime në industrinë e pasurive të paluajtshme dhe në tregun e makinave luksoze, tha për agjencinë e lajmeve Reuters një zyrtar policor i përfshirë në operacion, i cili u krye në koordinim në shtatë shtete braziliane.

Policia sekuestroi 35 makina dhe 12 avionë, përfshirë një avion privat Embraer Phenom me vlerë 6.5 milionë euro.

Pak orë më parë, Policia Federale e Brazilit kishte proceduar në operacionin Narcopesca, i cili heton një organizatë kriminale aktive në transportin e ngarkesave të mëdha droge me anije peshkimi, me destinacion Europën dhe Afrikën. Hulumtimi u mbështet nga Shërbimi Federal i të Ardhurave dhe Marina Braziliane.

Në këtë fazë të dytë, oficerët e policisë federale ekzekutuan urdhër-arrest parandalues ​​dhe kontrolle dhe sekuestrime, përveç sekuestrimit të aseteve, automjeteve, anijeve dhe ngrirjes së llogarive bankare të personave fizikë dhe juridikë.

/abcnews.al